#Momken - ممكن - 10-10-2013 -- قصيدة بنت الحلال - الشاعر صلاح عبد الله#

Join and Follow us on :
YouTube : http://www.youtube.com/cbcegypt
Facebook : http://www.facebook.com/cbcegypt
Google+: http://www.gplus.to/cbcegypt
Twitter : http://www.twitter.com/cbc_egy
#CBCEgy - #Momken - #ممكن
CBC - ممكن - #خيري_رمضان - 10-10-2013#
ممكن - 10-10-2013 -- بنت الحلال - الشاعر صلاح عبد الله#
ضيف الحلقة
الشاعر - صلاح عبد الله
كلمات القصيدة
بنت حلال.
سيبيني أقول بكل صراحة...
سر في قلبي كان متشال...
ما كنتش يمكن أختارك...
لو القصة زواق وجمال...
بحبك مش عشان حلوة...
لكن عشان أنت بنت حلال...
بحبك لما بتضميني...
أنا وضعفي لأحضانك...
ولما تعيشي أحزاني...
وتنسي عشاني أحزانك...
وترضي بيَ أنا وزمني...
ولو خانني ولو خانك...
لا طالبة نجوم أجيبها لك...
ولا عايزاني أكون خيال...
بحبك مش عشان حلوة...
لكن عشان أنت بنت حلال...
سلامك فيه صفا الدنيا...
ورعشة إيد بتدعي لإيد...
وبسمتك أنت في عيوني...
بجد بجد ليلة عيد...
ولما الدنيا تفضى عليَّ...
وألقاني غريب ووحيد...
أبص ألاقي في عيونك...
دفا وعشرة وبيت وعيال...
بحبك مش عشان حلوة...
لكن عشان أنت بنت حلال...
قسمتِ أحلى شيء في الدنيا...
بين همسك وتسريحتك...
ولون الصدق من لونك...
وريحة الحب من ريحتك...
ولما بقيتِ أحلى فرحة...
في الدنيا أنا فرحتك...
وما فيكيش شيء بيتغير...
في دنيا كل ساعة بحال...
بحبك مش عشان حلوة...
لكن عشان أنت بنت حلال..